نئے شادی شدہ جوڑے کے کمرے کے ۵ سجاوٹی آئیڈیاز

Request quote

Invalid number. Please check the country code, prefix and phone number
By clicking 'Send' I confirm I have read the Privacy Policy & agree that my foregoing information will be processed to answer my request.
Note: You can revoke your consent by emailing privacy@homify.com with effect for the future.

نئے شادی شدہ جوڑے کے کمرے کے ۵ سجاوٹی آئیڈیاز

Shahtaj Shahtaj
 Bedroom by ARC+ Arquitetura
Loading admin actions …

شادی کا بھی موسم ہوتا ہے، جس طرح ہر کام کے لئے مناسب موقع کا انتظار کیا جاتا ہے اس طرح شادیوں کے لئے بھی مناسب وقت اور موقع کا انتظار کیا جاتا ہے، گو کہ شادی دو خاندانوں کو ملانے کا بھی نام ہے جو تا عمر ایک رشتے میں جڑے رہتے ہیں اور ان میں مزید نئے رشتوں کے بننے کے اماکانات بھی ہوتے ہیں۔

شادی کی اہم شخصیت یعنی دولہا دلہن کے لئے خصوصٰ انتظامات کیے جاتے ہیں، جس میں خوبصورت رسموں کے ساتھ ساتھ ان کے لئے ایک خوبصورت کمرے کی سجاوٹ بھی اہم ہے۔ 

آئیے ہم آپ کو ایک خوبصورت رومان پرور کمرے کی سجاوٹ کے طریقے بتاتے ہیں۔

۱۔ رنگوں کی آمیزش

ایک خوبصورت کمرے کی سجاوٹ میں پردوں دیواروں اور فرنیچر کے رنگوں کی آمیزش معنی رکھتی ہے، ہلکے رنگ کی دیواروں کے ساتھ گہرے رنگوں کے پردے اور ہلکے اور گہرے رنگوں کے فرنیچر ان کے خوابگاہ کو چار چاند لگا دینگے۔ اس سلسلے میں انٹیریر ڈیکوریٹر سے مشورہ بھی لیا جا سکتا ہے وہ آپ کو جدید دور کے مطابق مشورہ دے سکتے ہیں اور اگر آپ کا بجٹ اچھا ہے تو آپ ان سے یہ کام بھی کروا سکتے ہیں۔

۲۔ فرنیچر کی ترتیب

کمرے میں فرنیچر کی ترتیب اس طرح ہو کہ اس کے سائز اور کمرے کے سائز میں مطابقت ہو تا کہ کمرے میں چلنے پھرنے کی گنجائش کے علاوہ سامان بھی اس طرح سیٹ ہو جائے کہ جو کمرے کو خوبصورت دکھائے۔ اور دوسرے کی آنکھوں کو بھائے ورنہ وہ خوابگاہ کم اور گودام کا منظر زیادہ پیش کریگا۔

۳۔ روشنی کا مناسب انتظام

Apartment Design:  Bedroom by CONCEPTIONS,
CONCEPTIONS

Apartment Design

CONCEPTIONS

کمرے میں روشنی کا مناسب انتظام رکھا جائے ایسا نہ ہو کہ سفید یا ہلکے رنگ کی دیواروں پر خوبصورت پردے لگے ہوں اور کمرے میں لال پیلی روشنی کی بھرمار کردی جائے کہ کمرے میں آنے والا بدحواس ہو کر باہر نکل جائے۔ ہلکی ہلکی روشنی کمرے کو بڑا انوکھا ماحول دے گی اور اعصاب پر بھی خوشگوار اثر پڑیگا۔ بلب کے رنگوں کا انتخاب آپ پر چھوڑ دیتے ہیں۔

۴۔ اشیاء کے انتخاب میں سمجھداری

Villa at Jay Pee Greens Greater Noida :  Bedroom by Design Essentials,
Design Essentials

Villa at Jay Pee Greens Greater Noida

Design Essentials

پلنگ کے سیٹ، صوفے کے کشنز اور ایسی دیگر اشیاء جو سامنے نظر آتی ہیں ان کے رنگ نمونے اور کپڑوں کے انتخاب میں سمجھ داری سے کام لیں تا کہ دیکھنے والے آپ کی پسند اور اس کے معیار کی داد دیں اور اپنی باری پر آپ کے دوست آپ سے مشورہ ضرور لیں کیونکہ ان اشیاء کو استعمال کرنا ہی مقصد نہیں ہوتا بلکہ دوران استعمال ان کو محسوس کر کے اپنے احساسات کو سامنے لانا بھی ایک فن ہے جو آپ بعد میں اپنے دوستوں کے سامنے اپنے الفاظ میں بیان کرینگے۔ یہی اشیاء آپ کے لئے قدامت یا نیویائی مناظر بھی پیش کرسکتے ہیں۔

۵۔ تازہ پھولوں سے آرائش

DLF Woodland Heights, 3 BHK - Mrs. Darakshan:  Bedroom by DECOR DREAMS,
DECOR DREAMS

DLF Woodland Heights, 3 BHK—Mrs. Darakshan

DECOR DREAMS

نئے دولہا دولہن کے کمرے میں تازہ پھولوں کی آرائش سے بھی اس کی خوبصورتی میں اضافہ ہوتا ہے، تازہ پھولوں مثلاََ گلاب اور موتیا کے پھولوں سے کمرے میں گلدان یا بستر کے اطراف میں موتیے کی لڑیاں لگا کر نہ صرف یہ کہ کمرے کی خوبصورتی میں اضافہ ہوگا بلکہ پھولوں کی ملی جلی خوشبو ماحول کو معطر کر دیگا اور کمرہ صحیح معنوں میں ایک رومان پرور خوبگاہ کا منظر پیش کردیگا۔ 

مندرجہ بالا طریقے بظاہر عام نظر آتے ہیں لیکن ان کی تکمیل اور سجاوٹ کے وقت اگر چند ماہر ہاتھوں اور ذہنوں کی مدد لی جائے تو آپ خود دیکھیں گے کہ بظاہر عام نظر آںے والے طریقے ہی استعمال کر کے نئے شادی شدہ جوڑے کے لئے ایک خوابناک ماحول والا کمرہ تیار کیا جاسکتا ہے جسے نئے جوڑے مدتوں یاد رکھینگے اور نئے دنوں کی خوبصورت یادوں میں ایک بہترین کمرے کا ذکر بھی خوبصورت الفاظ  میں ان کی یادوں میں محفوظ رہیگا۔ 

کمروں کی سجاوٹ کے لئے پڑھیں: بچوں کے کمرے کو منظم رکھنے کے ۶ فنکارانہ طریقے

 Houses by Casas inHAUS


Need help with your home project? We'll help you find the right professional

Discover home inspiration!